चर्चित लोकगायक पशुपती शर्माले फिल्म 'ब्रास्लेट'का लागि गीत गाएका छन् । उनीसंगै लोक गायिका टिका पुनले दीपक शर्माको संगीतमा आफ्नो स्वर रेकर्ड गर्नेछिन् ।
केशब भट्टराईको निर्माणमा निर्मल शर्माले निर्देशन गर्न लागेको 'ब्रास्लेट'मा पशुपती र टिकालाई पार्श्व गायनमा डेब्यू गराउन लागिएको हो । फिल्मको कथाबस्तु अनुसार लोक 'फ्लेवर'कै गीत रहने भएकाले पशुपती र टिकालाई लिईएको निर्देशक शर्माले जानकारी गराए ।
फागुन महिनाको अन्त्यतिर सुटिङ शुरू हुने भनिएको सस्पेन्स थ्रीलर जनराको यो फिल्ममा जीवन लुईटेल र राजनी केसी मुख्य भूमिकामा रहने सम्भावना बलियो देखिएको छ । फिल्मको कथा जया ओझाले लेखेकी हुन् ।