‘धेरै रोएँ तिम्रो यादमा छैन अब आँशु
खुसी सबै लिलाम भए म कसरी हासुँ...’
.jpg)
सञ्चारकर्मी एवम् गीतकार डब्बु क्षत्रीले लेखेको यो गजल ‘झरी’मा सँग्रहित छ । जुृगल डँगोलको सँगीत र अञ्जना गुरुङको स्वरको यो गजललाई दर्शकले भिडियोका रुपमा टेलिभिजनमा हेर्न पाउने छन् ।
मंगलबार राजधानीमा छायाँकन गरिएको यो भिडियोमा अभिनेता तथा सञ्चारकर्मी श्याम अर्याल, अभिनेत्री मोनिका दाहाल र मोडल खुसी घिमिरेले अभिनय गरेका छन् । निरोज श्रेष्ठले खिचेको यो भिडियोको निर्देशन मित्र गुरुङले गरेका हुन् ।
आर्थिक रुपमा सम्पन्न विवाहित युवा खोजेर दोस्रो विवाह गर्ने र केही महिनामै सम्बन्ध विच्छेद गरेर कान्छी श्रीमतीले लाखौं रुपैयाँ अंशबन्डा लिने क्रम नेपाली शहरी समाजमा निकै फस्टाएको छ । यही समस्यालाई भिडियोमा उतारेको गजलकार क्षत्रीले जानकारी गराएका छन् ।
