गायक तथा हाँस्य कलाकार आरपी भट्टराईले तोते बोलीको गीत ल्याएका छन् । हाँस्य कलाकार तथा गायक भट्टराईले आफ्नो दोस्रो गीति अडियो एल्बम 'नेपाली भुँडी'मा रहेको शिर्ष गीतलाई म्युजिक भिडियोसहित सार्वजनिक गरेका हुन् ।
गीत अनुसारको यसको म्युजिक भिडियोमा झण्डै एक दर्जनले अभिनय गरेका छन् । 'मलाई चिनाउने लादालाम क्यारेक्टर अनुसार तोते बोलीमै गीत गाएँ', आरपी बताए । आरपीले कमेडी सिरीयल 'तितो सत्य'मा तोते बोली बोल्ने अधबैंशे पात्रको रूपमा चिनिएका छन् ।
आरपीले तोते बोलीमा गीत गाए पनि सामाजिक रुपान्तरणका लागि सन्देश दिने प्रयास गरेको बताए । उनले 'नेपाली भुँडी' अगाडी 'याया थुक्क' नामक एलबम बजारमा ल्याएका थिए ।
