अभिनेता राजेश हमालले केही दिन अगाडि व्यायाम गर्दै गरेको तस्बिर सार्वजनिक भएपछि यसले गसिपको राम्रै स्थान पायो । कसिलो स्ल्याक्स लगाएर हमालले गरेको व्यायाममा उनी उच्छृङ्खल देखिएका थिए ।
हमालले आफ्नो मनसाय उच्छृङ्खल प्रस्तुत गर्नु नभएको बताएका छन् । एक कार्यक्रममा भेटिएका हमालले भने– ‘मेरो मनसाय त्यस्तो होइन । ५० बर्षको उमेरमा पनि राजेश हमाल कति फिट भनेर अरूले पनि अनुरण गरुन् भन्ने सोच हो ।’
हमालले उक्त तस्बिर सार्वजनिक भएपछि आफूलाई सकारात्मक प्रतिक्रिया मिलेको बताए । धेरैले अब आफूहरु पनि व्यायाममा अगाडि बढ्ने बताएको हमालको तर्क छ । मिडियामा समाचार हेरेपछि आफू पनि झस्किएको हमालको भनाई छ ।
