स्वर्गिय आलोक नेम्वाङको अन्तिम फिल्म 'अझै पनि'को चौथो गीत सार्वजनिक भएको छ । गीतमा फिल्मका मुख्य कलाकार सुदर्शन थापा र पूजा शर्माको प्रेम देखाइएको छ ।
सहिमा श्रेष्ठ र दीपक लिम्बुको आवाज रहेको गीतमा महेश खड्काको संगीत, डाक्टर कृष्णहरी बरालको शब्द छ । पूनम गौतम र सुदर्शन थापाले मिलेर बनाएको यो फिल्म फागुन १५ गतेबाट प्रदर्शनमा आउँदैछ ।
यसअघि सार्वजनिक ३ वटा गीतले पनि चर्चा पाएका थिए । यो गीतको शब्द र कोरियोग्राफीलाई रुचाइने अपेक्षा गरिएको छ । फिल्मले सामाजिक प्रेमकथालाई उठान गरेको छ ।
