बलिउडमा कुनै समय द्धन्द्धात्मक फिल्ममा सर्वाधिक सफल मानिएका अभिनेता सन्नी देवल अहिले गुमनाम जस्तै छन् । उनका केही फिल्म फाट्टफुट्ट प्रदर्शनमा आएपनि सफलता खासै देखिएको छैन ।
उनै सन्नीले अब आफ्नो सफल फिल्म 'घायल'को सिक्वेल 'घायल रिटर्न्स'को छायांकन सुरु गरेका छन् । मंगलबार मुम्बइको लोखन्डवालाबाट यो फिल्मको छायांकन सुरु गरिएको हो ।
सन् १९९० मा प्रदर्शनमा आएको राजकुमार सन्तोषी निर्देशित फिल्म 'घायल'ले बक्स अफिसमा कमालको व्यापार गरेको थियो । १ करोड ७५ लाखमा बनेको फिल्मले बक्स अफिसमा १७ करोडको व्यापार गरेको थियो ।
सन्नीको गिर्दो करिअरलाई 'घायल रिटर्न्स'ले माथि उकास्ने अपेक्षा गर्न सकिन्छ ।
