नयाँ निर्देशक मन्दिप राना 'कसैलाई नभन्नु' निर्देशन गर्न तम्सिएका छन् । आज यो फिल्मको भद्रकाली मन्दिरमा शुभमुहुर्त गरियो । फिल्मलाई शिवहरी रेग्मी र शंकर अधिकारीले निर्माण गर्न लागेका हुन् ।
मन्दिप रानाले नै लेखेको माया प्रेमको कथामा बन्न लागेको यो फिल्ममा किशोर केसी, पुष्कर भट्ट, आयुष्मा कार्की, दिनेश शर्मा, देशभक्त खनालको मुख्य भूमिका रहनेछ । फिल्ममा रामचन्द्र श्रेष्ठ र भीम वीसीले संगीत भरेका छन् । यो फिल्मको छायांकन हेटौडा, पोखरा, पाल्पा, तनहुँमा गर्ने निर्माणपक्षले जनाएको छ ।
