अभिनेता जीवन लुईंटेल अहिले अमेरिकामा छन् । आफूद्धारा अभिनित फिल्म 'ठूली'को विशेष शोका लागि जीवन अमेरिका हानिएका हुन् । अमेरिका पुगेका जीवनले आफूलाई नेपाली फिल्म क्षेत्रमा 'नाइ नभन्नु ल'ले चम्काएको खुलाएका छन् ।
अमेरिकामा अर्न्तवार्ता दिंदै जीवनले भने, 'म 'नाइ नभन्नु ल' चलेपछि एउटा चलेको कलाकारको रुपमा अगाडि देखिएको हुँ ।' जीवनले आफूलाई जीवनमा सुख र दु:ख भनेर कुनै तवरले महशुश नगरेको बताए । 'म सुख भनेर पनि मातिन्न, दु:ख भयो भनेर पनि आतिन्न', जीवनले भने ।
नेपाली फिल्म क्षेत्रमा चर्चामा रहेका जीवन खाली समय निकाल्दै दोश्रो पटक अमेरिका हानिएका हुन् । अब बर्षमा कम फिल्ममा मात्र काम गर्ने जीवनको योजना छ । जीवन फागुनको पहिलो साता नेपाल फर्कने बताईएको छ ।
