विभिन्न दलले बन्द घोषणा गरेकाले यसको प्रत्यक्ष असर नेपाली फिल्मलाई पनि परिरहेको छ । माघ ८ गतेसम्म नेपाल बन्द र विभिन्न क्षेत्र बन्दका घोषणाले नेपाली फिल्मका निर्माता चिन्तित देखिएका छन् ।
माघ २ गतेबाट प्रदर्शनमा आउन लागेको फिल्म 'इच्छा'ले अन्तिम समयमा आएर प्रदर्शन मिति सारेको छ । काठमाण्डौ बाहिरका विभिन्न जिल्ला निरन्तर बन्द भएकाले पनि चलाउनु र नचलाउनुको औचित्य नभएको भन्दै फिल्म प्रदर्शन सारिएको हो ।
फिल्मको अर्को प्रदर्शन मिति केही दिनमा नै घोषणा गर्ने निर्देशक मुनाल घिमिरेले जानकारी दिएका छन् । माघ ३ र ५ गतेको नेपाल बन्द स्थगित भएपनि देशका विभिन्न भू-भागमा बन्द जारी नै रहने भएकाले फिल्म प्रदर्शन स्थगित गरिएको हो ।
