दुई देशको संस्कृतिलाई अगाडि बढाउने उद्देश्यले जापानीज भाषाको चर्चित फिल्म 'हिमावारी'लाई नेपाली भाषामा डबिङ गरेर नेपालमा रिलिज गरिने भएको छ । 'सुर्यमुखी फूल' नाम दिएर यो फिल्म नेपाली भाषामा रिलिज गर्न लागिएको हो ।
योशिहिरो ओइकाले निर्देशन गरेको फिल्मले अमेरिका र जापानको युद्धको कथा भन्नेछ । सादातोशी ओशिहिरो, कोदा यमादा, योशिका गिनोजाको लेखन रहेको फिल्ममा योजो नगतसुका, केन्टा सुगा, रेना नौनिन, सकि फुकुदाको अभिनय छ ।
जनवरी २६ देखि प्रदर्शनमा आउन लागेको २ घण्टाको यो फिल्म जापानमा रिलिज गरेपश्चात नेपालमा रिलिज गरिने छ । जापानमा नेपालीहरूको जनसंख्या बाक्लो रहेकाले पनि नेपाली भाषामा रिलिज गर्न लागिएको हो । एनआरएन अनोज शाक्यले यो फिल्मको रिलिज व्यवस्थापन गरेका हुन् ।
