नेपाली फिल्म तथा टेलिसिरियलका चर्चित हाँस्य कलाकारद्धय मदनकृष्ण श्रेष्ठ र हरिवंश आचार्यले नेपालमा प्रशारण हुने बिदेशी विज्ञापनमा नेपाली कलाकारले काम गर्नुपर्ने बताएका छन् ।
आज काठमाण्डौमा आयोजना भएको एक कार्यक्रममा बोल्दै हरिवंश आचार्यले भने, 'अब अमिताभ बच्चनको ठाउँमा राजेश हमाल, साहरुख खानको ठाउँमा अरु कुनै नेपाली कलाकारले अभिनय गर्नुपर्छ । नेपाली कलाकारले पनि विज्ञापनमा काम गर्न पाएको खण्डमा आम्दानी बढ्ने उनले बताए ।'
कार्यक्रममा बोल्दै मदनकृष्ण श्रेष्ठले जातियताले देश टुक्रने कुरा गरे । उनले जातीयताको खाडलमा लगेर नेताहरुले देशको भलो नगर्ने बताए । उनले जातीयतामा एकता राम्रो होइन भन्दै देशलाई यसरी संघियतामा लैजान नहुने खुलाए ।
मह जोडी विज्ञापनमा सर्वाधिक मोटो रकम लिने कलाकारको रूपमा चिनिन्छन् । उनीहरूले नेपालमा पनि विज्ञापनको बजार फस्टाएको भन्दै यसैलाई देखेर आफूहरुले काम गरेको खुलाए ।
नेपाल चलचित्र प्राविधिक संघले हडकडमा आयोजना गरेको सातौं नेफ्टा अवार्डमा विज्ञापन गुरुको उपनामले विज्ञानराज पौडेललाई सम्मानित गरिएको थियो । नेपाल विज्ञापन एजेन्सीले समेत पौडेललाई यही नाम दिएपछि आयोजित एक पार्टीमा मह जोडी पुगेका हुन् ।
