पौष २५ गतेबाट देशव्यापी प्रदर्शनमा आउन लागेको फिल्म 'आभाष' यूरोप लगायतका विश्वका विभिन्न देशमा पनि देखाइने भएको छ । अर्न्तराष्ट्रिय कलाकार समाजले 'आभाष' प्रदर्शनको जिम्मा लिएको हो ।
काठमाण्डौमा पत्रकार सम्मेलनको आयोजना गर्दै विभिन्न ४० देशमा यो फिल्म चल्ने जानकारी दिईयो । यसबाट करिब २५ लाख रुपैयाँ उठ्ने बताइएको छ । अहिले विभिन्न १० देशमा फिल्म लगाइनेछ । नेपालमा भने यो फिल्म ६५ वटा हलमा लाग्ने वितरक तथा निर्माता गोविन्द शाहीले जानकारी दिएका छन् ।
यो फिल्मलाई सुरेन्द्र पौडेलले निर्देशन गरेका हुन् । फिल्ममा नीशा अधिकारी, संयम पुरी, सलोन बस्नेत, आश्मा डीसी मुख्य भूमिकामा छन् ।
