अभिनेत्री सुरभी जैनले फिल्म क्षेत्रबाट आफू टाढा भएको जनाइसकेकी छिन् । तर, उनी टाढा भएको केही दिनमै उनले अभिनय गरेको अर्को फिल्म `किल्ला`ले प्रदर्शन मिति सार्वजनिक गरेको छ ।
फागुन २९ गतेबाट प्रदर्शनमा आउन लागेको यो फिल्मलाई मेचे फिल्मस्को ब्यानरमा निर्माण गरिएको हो । फिल्ममा कलाकार सुवास मेचे द्धन्द्धात्मक भूमिकामा देखिएका छन् । फिल्ममा उनी बाहेक सरभी जैन, पुकार भट्टराई, विल्सन विक्रम राईको मुख्य भूमिका छ ।
चेलिबेटी बेचबिखन, राजनीति, भ्रष्टाचार र राष्ट्रियताको बिषयलाई उठान गरेको यो फिल्मलाई द्धन्द्ध निर्देशक हिमाल केसीले निर्देशन गरेका हुन् । फिल्ममा विकास चौधरीको संगीत, कविराज गहतराजको नृत्य निर्देशन छ ।
