कलाकारहरु कोही व्यस्त त कोही सम्पर्कमा नआएपछि फिल्म 'इच्छा' यूनिटलाई अहिले केही तनाव त भएकै छ । जसले गर्दा निर्देशक मुनाल घिमिरे एक्लै प्रचारमा लागिरहेका छन् ।
प्रचार सुस्त देखिएपछि फिल्म 'हाउ फन्नी'को छायांकन सेटबाट नै कलाकार दयाहाङ राईले 'इच्छा'को बारे बोलेका छन् । दयाले यो फिल्ममा आफू होटल साहुजीको भूमिकामा देखिएको खुलाए ।
निर्देशक मुनाल घिमिरेसँग पहिलो पटक काम गर्दा नयाँ अनुभुती भएको भन्दै उनले यो फिल्मले सामाजिक कथा देखाउन खोजेको बताए । दया आफूले यो फिल्ममा निर्वाह गरेको भूमिका नयाँ नभएपनि दर्शकलाई हसाँउने खालको रहेको बताए । 'यो रेगुलर फिल्म हो तर दर्शकको मन छुने खालको छ', दयाले भने ।
दयाको कमेडी पाटोले अहिले दर्शकलाई उत्साहित बनाइरहेको छ । शिखा शाही, सुवास थापा लगायतका कलाकारको अभिनय रहेको यो फिल्मले बाबुआमा र छोराछोरीको फरक इच्छालाई व्यक्त गरेको छ ।
