'चपली हाईट', 'धर्मा', 'भिजिलान्ते' र 'झोले' फिल्म निर्देशन गरेका दीपेन्द्र के खनालले सामाजिक कथामा 'पशुपती प्रसाद' नामक फिल्म निर्देशन गर्ने भएका छन् । रविन्द्र सिंह बाँनियाले फिल्मको निर्माण गर्नेछन् ।
खगेन्द्र लामिछाने फिल्मको केन्द्रिय भूमिकामा देखिदैछन् । यस्तै फिल्ममा विपिन कार्की र रविन्द्र सिंह बाँनियाले पनि अभिनय गर्ने पक्का भएको छ । अन्य कलाकार र प्राबिधिक भने तय हुन बांँकी रहेको निर्देशक खनालले खबर दिए ।
रोजिना श्रेष्ठ, रिता श्रेष्ठ, रजना नापितको पनि लगानी रहने यो फिल्मको छायांकन फागुन महिनाको दोस्रो साताबाट शुरू गरिने भएको छ । टुकी आर्ट्स र षट्कोण आर्ट्सको व्यानरमा बन्ने ‘पशुपति प्रसाद’ धार्मिक नाम सुनिएपनि एक पात्रको नामबाट राखिएको खनालको भनाई छ ।
