संगीतकर्ममा सफल भैरहदा संगीतकार चेतन सापकोटा राजनीतिमा लागे । एकिकृत नेकपा माओवादीको झण्डा बोकेर चेतनले साँस्कृतिक क्रान्तिका कुरा गरे । जसका कारण उनी फिल्मको संगीतबाट विस्तारै अस्ताए ।
.jpg)
कुनै बेला अत्याधिक हित गीतको सिर्जना गरेका चेतनले आफूले राजनीतिमा लागेर अलमलिएको बताएका छन् । आफूद्धारा संगीतबद्ध फिल्म 'लोग्ने मान्छे'को अडियो तथा भिडियो बिमोचनमा उनले भने– ‘म बिचमा संगीत छोडेर राजनीतिमा लागें । जसका कारण पनि म यो क्षेत्रबाट धेरै पछाडि परेको अनुभव भएको छ ।’
चेतनले अब संगीत सिर्जनालाई नै अगाडि बढाउने बताएका छन् । राजनीतिको कारणले आफ्नो संगीतकर्म नै ओझेलमा परेको भन्दै उनले गल्ती भएको स्विकार गरेका छन् । चेतनले आफू राजनीतिमा लागेर पछि परेको भन्दै अब निर्मातालाई फिल्म दिन पनि आग्रह गरेका छन् ।
नेपाली कलाकारहरु संविधानको सभाको चुनावमा विभिन्न पार्टीको खोल ओडे पनि अहिले फेरि कलाकारितालाई नै अगाडि बढाउन लागिपरेका छन् । यही भिडमा चेतन पनि देखिएका छन् ।
चेतनले पछिल्लो समय संगीत भरेको फिल्म 'लज्जा'को 'मात लाग्यो' बोलको गीत निकै हिट भएको थियो ।
