दोश्रो फिल्म 'पुण्टे परेड'को असफलताले अभिनेता संयम पुरीलाई ठूलै झट्का लागेको छ । यसैले उनी आफूद्धारा अभिनित तेश्रो फिल्म 'आभाष' चलोस् भनेर भाकलमा समेत गर्न थालेका छन् ।
.jpg)
संयम 'आभाष'को पोष्टर बोकेर खोटाडको हलेसी मन्दिर पुगेका छन् । उनले त्यहाँ पुगेर फिल्म सफलताका लागि कामना गरे । उनले आफू सहित सलोन बस्नेत र आश्मा डीसी रहेको पोष्टर लिएर हलेसी मन्दिरमा पुजा गरेका हुन् ।
गोविन्द शाहीको निर्माणमा तयार भएको यो फिल्म पौष २५ गतेबाट चल्दैछ । फिल्म चलेको खण्डमा सर्वाधिक ठूलो क्रेडिट संयमले नै पाउनेछन् । यसैले पनि 'सायद' फिल्ममा पाएको सफलता उनी यो फिल्ममा दोहोर्याउन चाहन्छन् । जसले गर्दा उनी सफलताको लागि भगवानसँग कामना गरिरहेका छन् ।
फिल्ममा निशा अधिकारी, प्रकृती श्रेष्ठ पनि छन् । सुरेन्द्र पौडेलको निर्देशन रहेको फिल्मले यूवापुस्ताको प्रेम र रोमान्सको बिषयलाई उठान गरेको छ ।
