नारी प्रधान फिल्म 'विधवा' पौष ११ गतेबाट प्रदर्शनमा आउँदैछ । यो फिल्मलाई मनोज श्रेष्ठले निर्देशन गरेका हुन् । फिल्मको यूनिटले आज काठमाण्डौमा पत्रकार सम्मेलन आयोजना गर्दै 'विधवा'लाई सामाजिक कथाको फिल्म भनेको छ ।
निर्माता गिरिप्रसाद सुनारले आफूले राम्रो कथामा लगानी गरेको बताए । यता निर्देशक मनोज श्रेष्ठले फिल्मको कथाले सबैको मन छुने खुलाए । कलाकार सोनु घिमिरले आफूले पहिलो पटक नेपाली फिल्ममा काम गरेको भन्दै दर्शकले माया गर्ने विश्वास गरिन् ।
'छोरी अभिषाप होइन, वरदान हो' भन्ने मुल भाव बोकेको यो फिल्ममा दीलिप रायमाझी, सोनु घिमिरे, मनोज श्रेष्ठ लगायतका कलाकारको अभिनय छ ।