कलाकार तथा निर्माता निर्मल शर्माको डेब्यु निर्देशन रहेको फिल्म ‘चकलेट’को फष्टलुक बाहिरिएको छ । पूजना फिल्मस् प्रालिको व्यानरमा निर्मित फिल्मको फष्टलुकमा निर्माता समेत रहेकी अभिनेत्री पूजना स्त्री, नम्रता झा, आयुष्मान घिमिरे र एक बालिकालाई देख्न सकिन्छ ।
राजधानीमा रहेका सडक बालबालिकाको कथालाई कथानक बनाईएको 'चकलेट'मा खुश्बु गुरुङ, प्रितिमाया गुरुङ र केशव तामाङ निर्माताको रूपमा छन् । फिल्ममा अनुज शाक्य, सुनिता ठाकुर, कमल मैनाली, केशव भट्टराई, सुमन गैरेलगायतको अभिनय रहेको छ ।
सात जना बालबालिकाले समेत मुख्य भूमिका निर्वाह गरेको यो फिल्ममा शिखर सन्तोष, अर्जुन पोखरेल, रायन कार्कीको संगीत, प्रसन्न पौडेल र बब्बु थापाको नृत्य रहेको छ छ भने सुदिप बरालको छायाँकन रहेको छ । फिल्मको प्रदर्शन मिती तय गरिएको छैन ।
