नेपाली फिल्म बजारमा अभिनेता अनमोल केसीलाई नयाँ स्टारको रुपमा हेरिदै गर्दा उनका पिता अभिनेता भुवन केसी भने खुशीले गद्गद् छन् ।
अनमोलको दोश्रो फिल्म 'जेरी'ले पनि व्यापारिक रुपमा सफलता हात पारेपछि भुवन खुशीले रमाइरहेका छन् । छोराको सफलतामा रमाएका भुवन अबको फिल्म बजार उसले नै हाक्छ भन्न पनि पछि पर्दैनन् ।
अनमोलले फिल्म क्षेत्रका लागि केही गरेको भन्दै भुवन उसले पैसाका लागि फिल्म नखेल्ने पनि बताउँछन् । छोराको खुशीमा उनी सबैसँग रमाउन चाहन्छन् । 'अनमोलले केही गरेको छ, म ज्यादै खुशी छु', भुवनले भने ।
सुपरस्टार बनिसकेका भुवनले स्टार बन्दै गरेका छोराको सफलतामा खुसी हुनु पक्कै राम्रो कुरा हो । भुवनको यो खुसी भने कहिलेसम्म हुने हो, हेर्न बाँकी छ ।
