'लुट' फिल्मबाट निर्माता बनेका माधव वाग्लेले आफ्नो विवाहको २५ बर्ष पूरा गरेको अवसरमा पुन: विवाह गरेका छन् । घरमा सप्ताह लगाएको अवसर पारेर परिवारको आग्रह भन्दै निर्माता वाग्लेले श्रीमती बिनिता बराल (वाग्ले) सँग सिल्भर जुब्ली मनाउँदै सोमवार विवाह गरेका हुन् ।
गृहनगर बिरगंजमा आफन्त तथा साथीभाइमाझ वाग्लेले बिधीपूर्वक बिहे गरेका हुन् । बुढेसकालमा बिहे गरेको भन्दै वाग्लेलाई जन्तीले जिस्काएका थिए । वाग्लेले २५ बर्ष अगाडी बिनितासँग बिहे गरेका थिए । उनका एक छोरा र एक छोरी छन् ।
फिल्म वितरण कम्पनी पपकर्न पिक्चर्सका प्रमुख तथा 'छड्के', 'मिसन पैसा रिलोडेड' जस्ता फिल्मका समेत निर्माता रहेका वाग्लेलाई बिहे गरेको सिल्भर जुब्ली पुगेको अवसरमा सफल दाम्पत्य जीवनको शुभकामना !
