बलिउडका दबंग खान सलमानकै फिल्म 'दबंग'बाट यात्रा प्रारम्भ गर्ने अभिनेत्री सोनाक्षी सिन्हा यतिबेला सय करोडको अभिनेत्रीको रुपमा चिनिन्छिन् । तर, उनै सलमान र सोनाक्षीविच झगडा भएको खबर छ ।
भारतको एक चर्चित पत्रिकाका अनुसार सलमानकी बहिनी अर्पिताको बिहेमा सोनाक्षी र सलमानको विवाद भएको थियो । कुराकानीका क्रममा सलमान चिच्चाएपछि सोनाक्षी रुन थालेकी थिइन् ।
हालै मात्र सोनाक्षीले सलमानका भाई अरबाज खानको एक फिल्ममा काम गर्न अस्विकार गरेकी थिइन् । जसका कारण सलमान र सोनाक्षीको झगडा परेको बताइन्छ । सोनाक्षी रोएपछि सलमानले आफूले के गरेको छु भन्दै तर्कन खोजेका थिए । सलमान र सोनाक्षीको लफडालाई निर्माता अश्विन यार्डीले मिलाएका थिए ।
