गत कार्तिक २८ गतेबाट प्रदर्शनमा आएको लभ स्टोरी फिल्म 'जेरी'ले तेस्रो साताको यात्रा तय गरेको छ । भोली शुक्रबारबाट यो फिल्म सफलताकासाथ तेस्रो सातामा प्रदर्शन हुनेछ ।
सिङ्गल स्क्रिनमा भन्दा मल्टिप्लेक्समा रूचाईएको यो फिल्मको दुई साताको व्यापार निकै उत्साहजनक रहेको रिपोर्ट प्राप्त भएको छ । वितरण कम्पनी पपकर्न पिक्चर्सका अनुसार 'जेरी'ले दुई सातामा दुई करोड बराबरको कारोबार गरेको छ ।
भोली शुक्रबारबाट दमदार नेपाली फिल्म रिलिज नहुने भएकाले 'जेरी'ले त्यसको फाईदा लिने भएको छ । हेमराज बिसी निर्देशित यो फिल्ममा अनमोल केसी र आना शर्माको मुख्य भूमिका छ । यो फिल्मबाट नै अनमोलको करियरमा उज्यालो छाएको छ ।
