निर्मातबाट निर्देशक बनेका मुनाल घिमिरे निर्देशित फिल्म `इच्छा`को पहिलो ट्रेलर सार्वजनिक गरिएको छ । माघ २ गतेबाट हलमा लाग्ने यो फिल्मले मानिसले आफ्नै इच्छा अनुसार काम गर्नुपर्छ भनेर देखाउन खोजेको छ ।
फिल्ममा दयाहाड राई, सुवास थापा र शिखा शाही मुख्य भूमिकामा छन् । फिल्ममा प्रकाश घिमिरे, नविन श्रेष्ठ र लक्ष्मण पौडेलले लगानी गरेका छन् । फिल्मका कार्यकारी निर्माता रोमी ओली हुन् ।
अनन्त थपलियाको सम्पादन रहेको फिल्ममा रामशरण उप्रेतीको छायांकन छ । पहिलो फिल्म निर्देशन गरेका मुनालले निर्माणमा जस्तै निर्देशकिय पाटोमा पनि सफल हुने दाबी गरे ।