नेपाली फिल्मका चकलेटी अभिनेता आर्यन सिग्देल यतिबेला घुँडाको अप्रेशन गरेर अस्पतालमा छन् । डाक्टरले कहिले डिस्चार्ज गर्छन् थाहा छैन । शनिबार अप्रेशन गरेका आर्यनले आफू बल्ल केही बोल्न सक्ने भएको फिल्मीखबरलाई बताए ।
फिल्म आवेगको छायांकनको समयमा घुँडामा समस्या देखिएपछि आर्यन अप्रेशनको तयारीमा थिए । तर, हातमा आएका सबै फिल्म भ्याउन खोज्दा उनको अप्रेशनमा ढिलाई भएको हो ।
घुँडाको लिगामेन्ट्स च्यातिएपछि आर्यनलाई अप्ठ्यारो भएको थियो । अर्कोतिर, उनको घुँडाका हड्डीहरु पनि छुट्टिएका थिए । चिरायू अस्पतालमा अप्रेशन गरेका आर्यनको आज डिस्चार्ज हुने बताइएको छ ।
करिब २ महिना आर्यन बैशाखीको साहारामा हिड्नेछन् । उनले यसबिचमा फिल्म गर्न नसक्ने बताए । निरक पौडेलले निर्देशन गर्न लागेको फिल्म 'होमवर्क'मा भने खासै अप्ठ्यारा दृश्य नभएकाले अब २५ दिनपछि काम गर्ने उनको भनाई छ ।
आर्यनलाई फिल्मीखबरको तर्फबाट शिघ्र स्वास्थ्य लाभको कामना ।