फाल्गुण ८ गतेबाट प्रदर्शनमा आउन लागेको फिल्म 'आवेग'को फष्टलुक सार्वजनिक भएको छ । फष्टलुकमा फिल्मका कलाकार कोही पनि समावेश गरिएको छैन ।
सूर्य कार्कीको प्रस्तुतीमा तयार भएको यो फिल्मलाई वसन्त निरौलाले निर्देशन गरेका हुन् । फष्टलुकमा कलाकार नराख्दा दर्शकमा कौतुहलता बढ्ने भनाई निर्देशन निरौलाको छ । फिल्ममा आर्यन सिग्देल, ध्रुब दत्त, अर्चना देलाल, पवित्रा आचार्य लगायतका कलाकारको अभिनय छ ।
यस्तै आर्यन अभिनित फिल्म 'अलबिदा'को पोस्टर पनि सार्वजनिक भएको छ । लक्ष्मण रिजाल निर्देशित यो फिल्ममा आर्यनसँगै हसन खान, अनिता आचार्य र नागेन्द्र रिजालको मुख्य भूमिका छ । पौष २५ गते रिलिज हुने यो फिल्म हिन्दू र मुस्लिम युवायुवतीको प्रेमकथामा आधारित छ ।
