अभिनेता आर्यन सिग्देल अभिनित फिल्म 'नाइके'लाई चलचित्र जाँचपास समितीले 'पिजी' सर्टिफिकेट दिएको छ । मंगलबार बिहान सेन्सर बोर्डका सदस्यहरूले फिल्मा हेरेपश्चात १६ बर्षभन्दा मुनिका दर्शकलाई अभिभावकको साथ चाहिनेगरी 'पिजी' सर्टिफिकेट दिएको हो ।
.jpg)
मंसिर १९ बाट प्रदर्शनमा आउन लागेको यो फिल्ममा आर्यन एक्सन अभिनेता बनेर आउँदैछन् । फिल्ममा आर्यनले गरेको द्धन्दका दृश्यहरुलाई आधार मानेर 'पिजी' सर्टिफिकेट दिएको निर्देशक नेत्र गुरूङले जानकारी गराए । आर्यन यसअघि लभरव्वायको भूमिकामा देखिईरहेकाले दर्शकहरूले 'नाइके'लाई रूचाउने अपेक्षा गरिएको छ ।
फिल्ममा आर्यनका साथमा सुर्बिना कार्की, रेम बिक, बोधराज रेग्मी लगायतका कलाकारले अभिनय गरेका छन् । फिल्म ‘नाइके’ लाई विष्णु हमाल, जगदिश खनाल, नारायण खनाल, संगीता पराजुली, आनन्द क्षत्रीले निर्माण गरेका हुन् ।
