भोली शुक्रबारबाट देशभर फिल्म 'जेरी' प्रदर्शन हुँदैछ । दर्शक पनि गुलियो मन बनाएर 'जेरी' हेर्न आतुर देखिएका पक्कै होलान् । दर्शकको मनलाई गुलियो बनाउन निर्माण युनिटले रिलिजको पूर्व सन्ध्यामा 'स्याड भर्सन'को गीत रिलिज गरेको छ ।
हर्क्यूलस बस्नेतको स्वर रहेको प्रस्तुत गीतमा नरेन लिम्बुको संगीत छ भने फिल्मका मुख्य पात्र अनमोल केसी र एना शर्मा प्रेमा पीडामा रहेको देखाईएको छ । मनोज शेरचनले निर्माण गरेको यो फिल्मलाई हेमराज बिसीले निर्देशन गरेका हुन् ।
