मुस्लिम र हिन्दू समुदायको कथा भन्ने फिल्म 'अलबिदा'को रोमान्टिक गीत रिलिज गरिएको छ । आगामी पौष २५ गते रिलिज हुन लागेको यो फिल्मको प्रस्तुत सार्वजनिक गीतमा अभिनेता आर्यन सिग्देल र अभिनेत्री अनिता आचार्यले आफ्नो प्रेमभाव दर्शाएका छन् ।
सुक गुरूङको शब्द तथा तारा प्रकाश लिम्बुको संगीत रहेको प्रस्तुत गीतमा तारासँगै रजिना रिमालले स्वर भरेका छन् । करियोग्राफी रामजी लामिछानेको रहेको छ भने छायाँकन रामेश्वर कार्कीले गरेका हुन् ।
'अलबिदा'मा अनिता र आर्यनको साथमा हसन खानको पनि मुख्य भूमिका छ । फिल्मलाई लक्ष्मण रिजालले निर्देशन गरेका हुन् । एचआरके प्रोडक्सनको ब्यानरमा निर्माण भएको ‘अलबिदा’को कथा निर्माता समेत रहेका हसन खानले लेखेका हुन् ।
