अहिले नेपाली फिल्म क्षेत्र शोकमा छ । बिहीवार बेलुकी आफ्नै निवासमा आत्महत्या गरेका निर्देशक आलोक नेम्वाङको शोकमा फिल्मकर्मीहरूले अश्रु धारा बगाए । आलोकलाई अन्तिम श्रद्धाञ्जली दिन कमलादीस्थित प्रज्ञा भवन पुगेका फिल्मकर्मीहरूका आँखा निरन्तर भिजिरहे ।
.jpg)
आलोकलाई श्रद्धाञ्जली दिन पुगेका अभिनेत्रीहरू भक्कानिएर रोए । आलोकसँग निकट रहेका नम्रता श्रेष्ठ, प्रियंका कार्की, पूजा शर्मा, सञ्चिता लुईंटेल, नन्दिता केसीलगायत अभिनेत्रीहरू सबैभन्दा बढी शोकमा परेको देखियो । आलोककी आमा निकै भावविह्वल भएकी छिन् ।
आलोकलाई अन्तिम श्रद्धाञ्जली दिन प्रज्ञा भवनमा सभामुख सुवासचन्द्र नेम्वाङ, सूचना तथा संचारमन्त्री मिनेन्द्र रिजालसहित फिल्मकर्मी, आफन्त, सञ्चारकर्मी, मोडल, फिल्मसंग सम्बन्धित संघसंस्थाका पदाधिकारीहरूलगायत बिशिष्ट व्यक्ति तथा शुभचिन्तकहरूको बाक्लो उपस्थिती थियो ।
४१ बर्षको उमेरमा आलोकले आफ्नै घरमा आत्महत्या गरेका आलोकको बिहान टिचिङ अस्पातलमा पोष्टमार्टम गरिएको थियो । दिउँसो ३ः३० सम्म प्रज्ञामा उनको शव राखेर पशुपति आर्यघाट लगिएको छ । आजै उनको पशुपति आर्यघाटमा अन्तिम संकार गरिंदै छ। पशुपतीमा पनि फिल्मकर्मीसहित शुभचिन्तकहरूको बाक्लो भिड जम्मा भएको छ ।
यस दु:खद घडीमा फिल्मीखबर डट कम परिवार दिवांगत आत्माको चीरशान्तिको कामना गर्दै भावपूर्ण श्रद्धान्जली अर्पण गर्दछ ।
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
तस्विरहरू : बिनोद पोखरेल
