बलिउड बक्सअफिसमा सबैभन्दा छिटो एक सय करोड कालेक्सन गर्न सफल फिल्म 'ह्याप्पी न्यू इयर'मा अभिनय गरेकी अभिनेत्री दीपिका पादुकोन निर्देशक फराह खानको नजरमा नपरेको रहस्य खुलेको छ ।
फिल्म 'मै हुँं ना'को बेला निर्देशक फराह खानले 'ह्याप्पी न्यू इयर' निर्माण गर्ने सोच बनाएकी थिईन् । सन् २००४ मा 'मै हुँं ना' निर्माण हुँदा दीपिकाको बलिउडमा इन्ट्री नै भएको थिएन । त्यो बेला फराहले शाहरूख खानको जोडीको रूपमा जुही चावला सोचेकी थिईन् ।
जब फिल्म निर्माणको प्रकृया शुरू भो तब जुहीसँग कुरा नमिलेपछी फराहले कैट्रिना कैफलाई अफर गरिन् । 'धूम ३'मा व्यस्त भएकी कैट्रिनाले समय दिन नसकेपछी अन्तत: दीपिकाको पोल्टामा फिल्म पुगेको हो ।
लगातार हिट फिल दिएकी दीपिकालाई पाएपछि फराह पनि खुसी भएकी थिईन् । 'चेन्नै एक्सप्रेस'मा शाहरूखसँग जमेकी दीपिका 'ह्याप्पी न्यू इयर'मा पनि जम्न सफल भईन् । अहिले बलिउडमा शाहरूख र दीपिकाको जोडी जमेको बताईन्छ । कुनै बेला शाहरूखसँग काजोलको जोडी जमेको थियो ।
