कार्तिक २८ गतेबाट प्रदर्शनमा आउन लागेको हेमराज बिसी निर्देशित फिल्म 'जेरी'को डिस्को गीत सार्वजनिक गरिएको छ । प्रस्तुत गीतमा नरेन लिम्बुको शब्द, संगीत तथा स्वर रहेको छ । नरेन स्वयंलाई फिचरिङ गरिएको उक्त गीतमा मुख्य पात्र अनमोल केसी संगीतमा झुमेको देखाईएको छ ।
'जेरी'मा अनमोलसहित अन्ना शर्मा, अमल्या शर्मा, अभिषेक मान शेरचन मुख्य भूमिकामा छन् । यो फिल्मलाई मनोज शेरचनले निर्माण गरेका हुन् । सम्राट प्रसाद गौचन सह-निर्माता रहेको 'जेरी'को कथा सम्राट प्रसाद गौचन र निर्देशक बिसीले लेखेका हुन् । फिल्ममा शैलेन्द्र डि. कार्कीको छायाँकन तथा सुरेन्द्र पौडेलको सम्पादन छ ।
