काठमाण्डौको सोल्टी होटलमा बलिउड अभिनेत्री जरिन खान क्याटवाकमा देखिइन् । उनीसँगै अर्का बलिउड कलाकार एजाज खानपनि क्याटवाकमा देखिए । जरिन खानले लेङ्गा लगाएर सोल्टी होटलको र्याम्प नापेकी थिइन् ।
बलिउड अभिनेत्रीले क्याटवाक गर्दै गर्दा नेपाली फिल्मकी अभिनेत्री नन्दिता केसीले भने नृत्य पस्किईन् । नन्दिताको नृत्यलाई पनि दर्शकले रुचाएका थिए ।
बलिउड कलाकारहरुको कार्यक्रममा नेपाली कलाकारहरुको प्रस्तुती नयाँँ होइन । तरपनि, दर्शकको ध्यान बलिउडका कलाकारमा पर्दा नेपाली कलाकारको महत्व घटेको देखिन्छ । नन्दिताले भने कार्यक्रममा आफ्नो महत्वलाई जरिनको अगाडि जोखाइराख्न कुनै कसर बाँकी राखिनन् ।