फिल्म 'होस्टेल' निर्देशन गरेर एकाएक चर्चामा आएका निर्देशक हेमराज बिसी अहिले 'जेरी' मार्फत दर्शकमााझ आउँदैछन् । अनमोल केसीलाई दोश्रो पटक पर्दामा लिएर उनले जेरी बनाएका हुन् ।
'जेरी'को ट्रेलर सार्वजनिक भएसँगै यसको चर्चा पनि चुलिएको छ । यसको ट्रेलरलाई दर्शकले मन पराइसकेका छन् । यसैले पनि हेमराज 'होस्टेल' क्रेज पनि दोहोरिनेमा ढुक्क छन् । यता 'होस्टेल'मा देखिएको अनमोल केसीको फ्यान यो फिल्मबाट फेरि बढ्ने आशा गरिएको छ ।
कात्तिक २८ गतेबाट प्रदर्शनमा आउन लागेको फिल्मले माया प्रेमको बिषयलाई उठान गरेको छ । अनमोल केसीको प्रेम र विछोडलाई फिल्मले लोभलाग्दो तबरले पेश गर्न खोजेको छ । अनमोल र एन्ना शर्माको मुख्य भूमिका रहेको यो फिल्मलाई मनोज शेरचनले निर्माण गरेका हुन् ।