फिल्म प्रचारका लागि कलाकारहरु विभिन्न उपाय अपनाउने गर्दछन् । कात्तिक २१ गतेबाट प्रदर्शनमा आउन लागेको फिल्म 'सरी ल'को निर्माण यूनिटले पनि कलाकार राजन खतिवडालाई प्रचारका लागि नयाँ रुपमा उतार्यो ।
राजनले शरीरमा कालो र सेतो रंग पोतेर 'सरी ल' लेखे । उनको यो तरिकालाई उपस्थित पत्रकारहरुले प्रशंसा गरे । तिहारको शुभकामना दिन आयोजना गरिएको कार्यक्रममा राजनको गेटअप हाइलाइटमा बन्यो ।
कार्यक्रममा बोल्दै निर्देशक ऋषि लामिछानेले 'सरी ल' दर्शकको रोजाईको फिल्मा रहेको बताए । कृष्णबहादुर महर्जनको निर्माणमा बनेको फिल्मलाई अञ्जु केसीले प्रस्तुत गरेकी हुन् ।
फिल्ममा सुवास थापा, अनिता आचार्य, राजन खतिवडा र मार्टिन खान मुख्य भूमिकामा छन् । तिहारको छेकोमा प्रेसमिट गरिएकाले अनामनगरस्थित मण्डला थिएटरको सभाकक्षमा दियो बाल्दै झिलिमिली बनाइएको थियो ।