चलचित्र सेन्सर बोर्डका सदस्यहरुले आफूहरुप्रति पूर्वाग्रह राखेको भन्दै `आगो २` युनिटले आपत्ती जनाएको छ । राजनीतिक कारणले गर्दा फिल्म सेन्सर नभएर असोज ३१ मा चलाउन नसिकएको प्रस्तुतकर्ता किसान पोख्रेलले जानकारी दिए ।
निर्माता पोखरेलले अनावश्यक रुपमा सेन्सरले वाधा दिएको खण्डमा आफूहरु क्षतीपूर्ती माग्दै अदालतसम्म पुग्ने चेतावनी समेत दिए । समयमा दर्शकहरूलाई फिल्म देखाउन नसक्दा आफूहरू दु:खी भएको निर्माता पोखरेलको भनाई थियो । सेन्सर बोर्डले समय नदिएपछि 'आगो २' सेन्सर हुन सकेको छैन ।
निर्देशक मदन घिमिरेले फिल्मले राजनीतिक भन्दा पनि सामाजिक कथालाई उठान गरेको बताए । कलाकार सुशिल क्षेत्रीले 'आगो' जस्तै 'आगो २'लाई पनि सेन्सरले दुख दिएको भन्दै चिन्ता व्यक्त गरे । सेन्सर पासमै लफडा भोगेको यो फिल्मको मंसिर १२ लाई नयाँ प्रदर्शन मिति तोकिएको छ ।