छविराज प्रोडक्शनको ब्यानरमा निर्माण भएको दोश्रो फिल्म 'लज्जा'को दोश्रो ट्रेलर सार्वजनिक गरिएको छ । फिल्म प्रदर्शन मिति नजिकिदै गर्दा दर्शकलाई कौतहलता जगाउन ट्रेलर बाहिर ल्याइएको हो ।
नारीप्रधान फिल्म बनाउन सिपालु मानिएका नवल नेपालको निर्देशनमा बनेको यो फिल्ममा आर्यन सिग्देल र शिल्पा पोख्रेलको मुख्य भूमिका छ । मदन काश्यप घिमिरेको छायांकन रहेको यो फिल्ममा चेतन सापकोटाको संगीत, चन्द्र पन्तको द्धन्द निर्देशन छ ।
फिल्मले एक नारी घरबाहिर निस्किएपछि नफर्कुञ्जेलसम्मको कथा भन्ने निर्माणपक्षले जनाएको छ । दोश्रो ट्रेलरमा शिल्पा र आर्यनको प्रेमलाई महत्व दिइएको छ ।
