चितवनको माडीमा बोक्सीको आरोप लगाउँदै दुई बर्ष अगाडी ज्युदैं जलाइएकी महिला ठेकनीदेवीको जीवनमा आधारित भएर फिल्म 'रक्तभोग' निर्माण हुने भएको छ । आज मंगलबार काठमाडौंको भद्रकालीमा फिल्म 'रक्तभोग'को शुभमुहुर्त गरि सुटिङ शुरू गरियो ।
चलचित्र पत्रकार संघका अध्यक्ष शान्तिप्रियले क्लाप बोर्ड ठोकी फिल्मको शुभारम्भ गरेका थिए । समाजमा हिंसाको रुपमा रहेको बोक्सी प्रथालाई चिरफार गरी सकारात्मक सन्देश प्रभाब गर्ने हेतुले फिल्म निर्माण हुन लागेको निर्देशक बिबी फुयालले बताए । चितवनको माडीमा घटेको घटनालाई फिल्मले उठाउन खोजेको निर्देशकले बताए ।
माडीमा घटेको यर्थाथ घट्नालाई फिल्मले देखाउने बाटउंदै कार्यकारी निर्माता कृष्णराज तिवारीले आजबाट नै फिल्म 'रक्तभोग'को सुटिङ चितवनको माडीबाट सुरु हुने बताए । सारिका घिमिरे, शैलेश पौडेल, ज्योति सापकोटा, रचना पौडेल, रामचन्दै लम्साल, कृष्णराज तिवारी लगायतले अभिनय गर्ने यो फिल्मलाई पवन गौतमले खिच्ने छन् ।
