निर्देशक सुरज सुब्बा ‘नाल्बो’ दार्जीलिङमा सम्मानित भएका छन् । गोर्खा जनमुक्ती मोर्चाले आफ्नो आठौं स्थापना दिवसको अवसरमा आयोजना गरेको एक कार्यक्रममा निर्देशक सुब्बालाई सम्मान गरेको हो ।
निर्देशक सुब्बालाई नगद १ लाखसहित दोसल्ला ओडाएर सम्मानित गरिएको हो । सुब्बाले निर्देशन गरेको फिल्म ‘बितेका पल’का अधिकांश दृश्य दार्जीलिङमा छायांकन गरिएको थियो । त्यसैले पनि उनी सम्मानको भागीदार बने । निर्देशक सुब्बाले यो सम्मानले आफूलाई राम्रो काम गर्न हौसाएको मात्र नभई जिम्वेवारी पनि थपेको बताए ।
