अभिनेत्री झरना थापामा पनि ओस्कर अवार्डको मोहले छपक्कै छोएको छ । त्यसैले ‘ए मेरो हजुर २’ निर्देशन गर्ने सोचाइमा पुगेकी यी अभिनेत्री दुईवटा मैथिली फिल्म खेल्ने सुरसारमा लागेकी छिन् ।
बिहिबार बिराटनगरमा झरनाले अभिनय गर्ने २ मैथिली फिल्मको शुभमुहुर्त गरिएको छ । ‘अपन देश नेपाल’ र ‘माँ क दर्द’ नामक दुई मैथिली फिल्ममा झरना देखिन लागेकी हुन् । उनले फिल्मको बिषयवस्तु र मेकिङ नै ओस्कार लक्षित रहेको बताइन् ।
झरनालाई यो फिल्ममा विजय कामतले साथ दिनेछन् । राजु चौधरीको निर्देशनमा बन्न लागेको फिल्ममा राजमणी चौधरी, विजय कामत, भरत ठाकुरले लगानी गर्दैछन् । यो फिल्मलाई ४ महिनामा छायांकन सक्ने योजना निर्माणपक्षले जनाएको छ ।
