Nepal's No.1 Filmy Web Magazine
कलाकारलाई हिट फिल्मको भोक कतिसम्म हुन्छ भन्ने कुरा अभिनेत्री बेनिशा हमाललाई जति अरु कसलाई थाहा होला र ! १२ वर्ष लामो करिअरमा एउटा पनि फिल्म हिटमा सूचिकृत नहुँदा उनलाई मिडियाले ‘फ्लप हिरोइन’को ट्याग दियो । ‘अभागी हिरोइन’ भन्दै खिसिटिउरी गर्नेहरु कम थिएनन् । तर, भनिन्छ नि, ‘पखाईको फल मीठो हुन्छ ।’ त्यो फल उनको पोल्टामा बल्ल परेको छ ।
प्रख्यात अभिनेता तथा निर्देशक सतीश कौशिकको निधनले बलिउड इन्डस्ट्री स्तब्ध बनेको छ । ६६ वर्षको उमेरमा उनले बिहीबार अन्तिम सास लिए । उनको निधन आर्ट अट्याकका कारण भएको बताइएको छ । आफ्नो जीवनकालमा कयौं यादगार र सानदार फिल्ममा अभिनय गरेका सतीशको कमेडी टाइमिङ जबर्जस्त मानिन्थ्यो । उनी अभिनयसँगै निर्देशनमा पनि उतिक्कै अब्बल थिए ।
आगामी बैशाख १ गतेबाट प्रदर्शनमा आउने तयारीमा रहेको फिल्म ‘बिहे पास’को पहिलो रोमान्टिक गीत सार्वजनिक गरिएको छ । शुक्रबार सार्वजनिक ‘खाली छैन मेरो मुटु’ गीतमा अस्तित्भा कर्ण र विद्या मञ्जु तिवारीको स्वर, प्रवेश मल्लिकको संगीत र डिपी खनालको शब्द रचना छ । फिल्मका मुख्य पात्र दयाहाङ राई र प्रकृति श्रेष्ठ प्रस्तुत गीतमा रामजी लामिछानेको नृत्य निर्देशन छ ।
‘रणवीर’ फेम्ड निर्देशक गोविन्द सिंह भण्डारीको निर्देशनमा तयार भएको फिल्म ‘प्रेमा’को ट्रेलर सार्वजनिक गरिएको छ । शुक्रबार इन्टरनेट रिलिज गरिएको २ मिनेट ४२ सेकेन्ड लम्बाईको ट्रेलरमा अविश्वासले प्रेम सम्बन्ध कसरी संकटमा पर्छ भन्ने देखाइएको छ । शुभेक्क्षा खड्काको प्रेममा रहेका अरुण क्षेत्रीको जीवनमा सृष्टि श्रेष्ठको प्रवेशपछि आउने उतार-चढावको कथामा ट्रेलर तयार छ ।
भारत, नेपालको छिमेकी मुलुक । जहाँ छ विश्वको ठूलो फिल्म उद्योग बलिउड । आउजाउ गर्न र भाषा, दुवैको सहजता छ । केही नेपाली कलाकारहरुले बलिउडमा नाम पनि कमाइसकेका छन् । उदाहरणका लागि अभिनेत्री मनीषा कोइरालाको नामै काफी छ । उनले बलिउड इन्डस्ट्रीमा जुन स्थान बनाइन्, त्यसलाई प्रेरणाको स्रोत मान्दै बलिउड प्रवेशको सपना देख्नेहरु नेपालमा धेरै छन् ।
गत शुक्रबारबाट प्रदर्शित फिल्म ‘छड्के २’ आफ्नो करिअरकै ठूलो डिजास्टर भएपछि सुपरस्टार अनमोल केसीले नवौं फिल्मसम्म आइपुग्दा आफू परिपक्व हुनुपर्नेमा त्यसमा चुक्न पुगेको स्वीकारोक्ति व्यक्त गरेका छन् । अनमोलले शुक्रबार आफ्नो फेसबुक तथा इन्स्टाग्राम एकाउन्टमा दुईवटा नोट लेख्दै ‘छड्के २’ले दर्शकलाई निराश बनाएकोमा आफू झनै दु:खी भएको उल्लेख गरेका छन् ।
