Nepal's No.1 Filmy Web Magazine
यस वर्ष बक्सअफिसमा आँधी ल्याउन सक्ने फिल्मको रुपमा विश्लेषण गरिएको ‘प्रेमगीत ३’ आगामी असोज ७ गतेबाट प्रदर्शनमा आउँदैछ । यही मितिमा भारतका हलमा पनि फिल्मको हिन्दी डब रिलिज हुँदैछ । फिल्मको नेपाली र हिन्दी भर्सनमा टिजर, ट्रेलर र गीतहरु रिलिज भइसकेका छन् । प्रदर्शन मिति नजिकिँदै गर्दा निर्माण टिमले दुवै देशमा प्रचार अभियानलाई तिव्रता दिएको छ ।
असोज २८ गतेबाट प्रदर्शन हुन लागेको साकार पन्तको डेब्यू निर्देशित फिल्म ‘हिजो आजका कुरा’को ट्रेलर सार्वजनिक भएको छ । बुधवार राजधानीमा एक कार्यक्रमका बीच सार्वजनिक गरिएको २ मिनेट ४५ सेकेन्डको ट्रेलरमा अमेरिका मोहले घर-परिवारमा पारेको असरलाई देखाइएको छ । ट्रेलर हेर्दा पारिवारिक कथा रुचाउने दर्शकलाई फिल्मले आकर्षित गर्न सक्ने छनक देखिन्छ ।
विजया दशमीको अवसर पारेर आगामी असोज १४ गतेबाट प्रदर्शनमा आउन लागेको सुरेन्द्र पौडेल निर्देशित फिल्म ‘बाबरी’को अष्ट्रेलिया प्रदर्शन अधिकार विक्री भएको छ । मेभन कन्सल्टिङ ग्रुपका अनिल त्वनाबासु र विक्की श्रेष्ठले महंगो रकममा फिल्मको राइट्स किनेका हुन् । केही दिनअघि फिल्म निर्माण कम्पनी बाबरी फिल्म्स र मवेन इन्टरटेनमेन्टबीच कागजी सम्झौता भएको हो ।
गत वर्षको सफल फिल्म ‘पुष्पा’पछि अब यसको दोस्रो पार्टको छायांकन सुरु हुँदैछ । ‘पुष्पा २’का लागि निर्माताले अभिनेता अल्लू अर्जुनलाई माटो पारिश्रमिक दिएको भारतीय मिडियाले उल्लेख गरेका छन् । बलिउड भाष्करका अनुसार, निर्माताले अल्लूलाई १ सय २५ करोड भारु पारिश्रमिक दिएका छन् । योसँगै उनी भारतको तेस्रो सबैभन्दा बढी पारिश्रमिक पाउने अभिनेता बनेका छन् ।
विदेशी फिल्मको डरले नेपाली निर्माताको भोक-निन्द्रा उड्छ । हलवालाले विदेशी फिल्मलाई काखी च्याप्ने र दर्शकको पनि पहिलो रोजाईमा पर्ने भएकाले नेपाली निर्माताहरु विदेशी फिल्मसँग भिड्न उत्ति आँट गर्दैनन् । तर, पछिल्लो समय फिल्म बलियो भए कुनै विदेशी फिल्मसँग डराउनु पर्दैन भन्ने मानक स्थापित हुँदैछ । तर, प्रदर्शकहरुको व्यवहारबाट भने निर्माता तर्सिन छाडेका छैनन् ।
हरेक प्रकारको चरित्रमा जीवन्त बाँच्ने कलाकार हुन्, दीया मास्के । आफ्नो अभिनयबाट उनले थिएटरमा मात्र होइन, फिल्ममा पनि गजबको वाहवाही बटुलेकी छन् । ‘कागबेनी’, ‘सुनगाभा’, ‘साँघुरो’, ‘दोख’ जस्ता फिल्ममा सम्झनलायक चरित्रमा अभिनय गरेकी दीयाले आफ्नो करिअरमा पहिलो पटक सफलताको महसुस गर्न पाएकी छन् । उनलाई यो खुसी फिल्म ‘प्रकाश’ले दिलाएको हो ।
