Nepal's No.1 Filmy Web Magazine
बलिउडको ‘लभ बर्ड्स’ सिद्धार्थ मल्होत्रा र कियारा आडवाणी विवाह बन्धनमा बाँधिएका छन् । फिल्म ‘शेरशाह’बाट सुरु भएको उनीहरुको प्रेम सम्बन्ध मंगलबार विवाहमा परिणत भएको हो । जैसलमेरको सूर्यगढ प्यालेसमा अग्निलाई साक्षी राखेर श्रीमान्-श्रीमतीको रुपमा जीवनभर साथ रहने वाचा गरेका दुवैले विवाहका तस्विरहरु आ-आफ्नो सामाजिक सञ्जालमा पोस्ट गरेका छन् ।
नेपाल चलचित्र निर्माता संघले आइतबार सञ्चार मन्त्री रेखा शर्मालाई भेट गरेर बुझाएको ज्ञापन पत्रको केही बुँदाप्रति नेपाल चलचित्र संघले आपत्ति जनाएको छ । संघका सदस्यहरुलाई विदेशी मुद्रा अपचलन गर्ने, राज्यकोष दोहन गर्ने, हुण्डी कारोबारलाई प्रोत्साहन दिने, आपराधिक कार्यमा संलग्न रहेको जस्तो गम्भीर, आपत्तिजनक, भ्रमपूर्ण र व्यवसायिक नैतिकता विरुद्धको आरोप लगाएको भन्दै संघले खेद प्रकट गरेको हो ।
कलाकार पदमप्रसाद पौडेलको निधन भएको छ । मंगलबार दिउँसो ९२ वर्षको उमेरमा बुढानीलकण्ठ चपलीस्थित निजी निवासमा उनको निधन भएको कलाकार संघका अध्यक्ष रविन्द्र खड्काले जानकारी दिए । लामो समयदेखि दमको रोगबाट पीडित रहेका उनको मंगलबार साँझ पशुपति आर्यघाटमा हिन्दू संस्कार अनुसार अन्त्येष्टि गरिँदैछन् । उनी पाँच छोरा र दुई छोरीका पिता थिए ।
ऋषभ शेट्टीद्वारा अभिनीत तथा निर्देशित फिल्म ‘कांतारा’को सफलतापछि यसका निर्माताले प्रिक्वेल घोषणा गरेका छन् । भारतीय बक्सअफिसमा मात्रै १ सय ५० करोडको कलेक्सन गरेको फिल्मले प्रदर्शनको सय दिन पूरा गरेको अवसरमा ऋषभले प्रिक्वेल निर्माणको घोषणा गर्दै सन् २०२४ मा रिलिज हुने जानकारी दिएका छन् । हाल स्क्रिप्ट लेखनको काम भैरहेको उनको भनाई छ ।
विवादको पर्यायवाची नाम हो, निर्देशक शोभित बस्नेत । हप्ता वा महिना दिनमा उनको बारेमा विवाद भएन भने सम्भवतः उनलाई नै छटपटी हुन्छ । कहिले ‘महानायक’को विषय उछालेर होस् त कहिले कलाकारको आलोचना गरेर होस्, उनी विवादमा आउन कुनै न कुनै उपाय निकालिहाल्छन् । नजिकका व्यक्तिको तारिफ र मन नपर्ने मान्छेको गाली गरेर पनि उनी कहिल्यै अघाउँदैनन् ।
अभिनयमा प्रमाणित अभिनेता विपिन कार्कीको यो वर्षका लागि दोस्रो फिल्म ‘फूलबारी’ आगामी फागुन ५ गतेबाट प्रदर्शन हुँदैछ । फिल्ममा उनले पाको उमेरको पुरुषको भूमिका निर्वाह गरेका छन् । हुन त यसअघि उनले फिल्म ‘हरि’मा पनि आफ्नो उमेरभन्दा झन्डै दोब्बर बढी देखिने चरित्र निभाएका थिए । यसपटक विपिनको चरित्र चित्रण फरक रुपमा गरिएको ट्रेलर हेर्दा बुझ्न सकिन्छ ।
