Nepal's No.1 Filmy Web Magazine
निर्माता सुभाष थापाले आर्थिक पाटो मिलाउन नसक्दा विवादमा तानिएको फिल्म ‘प्रसाद २’को चैत २४ गतेको प्रदर्शन रोक्न उच्च अदालत पाटनले आदेश दिएको छ । फिल्मका पूर्व निर्माता केशव पाण्डेले आफ्नो पैसा निर्माता थापाले नदिएका कारण फिल्मको प्रदर्शन रोक्न माग राख्दै अदालतमा रिट हालेका थिए । अदालतले यही २६ गते थप सुनुवाईका लागि दुवै पक्षलाई बोलाएको छ ।
पछिल्लो समय नेपाली फिल्मको छायांकनका लागि पहिलो रोजाइमा परिरहेको मुस्ताङमा यतिबेला निर्देशक उदय सुब्बाले फिल्म ‘दुई कदम’को छायांकन गरिरहेका छन् । गएको चैत्र १६ गतेबाट छायांकन सुरु भएको फिल्मको मुस्ताङमा फिल्मका प्रमुख दुई कलाकार इओन लिम्बु र सिमोन गिरीबीचको प्रेमिल दृश्य खिच्ने काम भइरहेको छ । मुस्ताङमा अझै केही दिन छायांकन हुनेछ ।
यही चैत २४ गतेबाट प्रदर्शन हुन लागेको फिल्म ‘बहाव’को दोस्रो गीत सार्वजनिक गरिएको छ । ‘बहाव यी मनका’ बोलको शीर्ष गीतमा युवराज चौलागाईंको स्वर, प्रमोद कँडेलको शब्द रचना, वसन्त सापकोटाको संगीत र विषय आचार्यको एरेन्ज छ । गीतले फिल्मका प्रमुख पात्रहरुको भावनालाई व्यक्त गरेको छ । गीतमा शब्द रचना शक्तिशाली छ । स्वर र संगीत पक्ष पनि उम्दा छ ।
यही चैत २४ गतेबाट प्रदर्शनमा आउने तयारीमा रहेको फिल्म ‘प्रसाद २’का निर्माता सुभाष थापाविरुद्ध प्रहरीमा बैंकिङ कसूर तथा ठगीको उजुरी, सेन्सर बोर्डमा फिल्मको सेन्सर रोक्न निवेदन, चलचित्र विकास बोर्डसहित विभिन्न फिल्म सम्बद्ध संघ-संस्थामा पैसा नपाएको भन्दै प्राविधिकदेखि कास्कीको होमस्टेसम्मले उजुरी हालेका थिए । जसले गर्दा फिल्मको प्रदर्शन अन्योल बनेको थियो ।
एउटै मितिमा एकभन्दा बढी फिल्म रिलिज हुनु अब सामान्य भैसकेको छ । यस वर्ष त झन् कोरोना महामारीले अड्किएका र नयाँ निर्माण भएका फिल्म एकै मितिमा भिडिरहेका छन् । आगामी बैशाख १ गते चार फिल्म ‘बुलाकी’, ‘नाईं नभन्नू ल ६’, ‘जारी’ र ‘बिहे पास’ भिड्दैछन् । यसमध्ये ‘बुलाकी’ र ‘जारी’को रिलिज डेट मात्र होइन, कथासार समेत एउटै छ । दुवै जारी प्रथामा बनेका हुन् ।
गत साउनमा चलचित्र विकास बोर्डको अध्यक्षमा नियुक्त भएपछि अभिनेता भुवन केसी एकपछि अर्को विवादमा तानिए । बोर्डमा आएको केही महिना त उनको काम विवाद जन्माउनु मात्र देखिएको थियो । विवादको श्रृंखला गत माघमा दुबईमा सम्पन्न भएको फेस्टिभलसम्म जारी नै रह्यो । अब भने अध्यक्ष केसीले रचनात्मक तथा सिर्जनात्मक कार्यक्रमलाई प्राथमकिता दिन थालेका छन् ।
