Nepal's No.1 Filmy Web Magazine
यस वर्ष प्रदर्शित फिल्म ‘कृष्ण लीला’ अभिनेता पुष्प खड्का र अभिनेत्री श्रद्धा क्षेत्रीको अफेयर र पुष्पले फिल्म नचले पारिश्रमिक फिर्ता गर्ने घोषणाका कारण चर्चामा रह्यो । यी दुई मसला रिलिजभन्दा अगाडि फिल्मलाई प्रचारमा ठूलो काम लाग्यो । तर, फिल्म रिलिजपछि यी दुवै कुरा सेलाए । अहिले न पुष्प र श्रद्धाको अफेयरको चर्चा हुन्छ न पुष्पले पारिश्रमिक फिर्ता गरेको सुनिएको छ ।
आगामी पुष २९ गतेबाट प्रदर्शनमा आउने तयारीमा रहेको रमेश एमके पौडेलद्वारा निर्देशित फिल्म ‘तिम्रो मेरो साथ’को क्लब गीत सार्वजनिक गरिएको छ । बिहीबार राजधानीमा आयोजित एक कार्यक्रमका बीच सार्वजनिक गरिएको ‘जोश छ जवानीको’ बोलको आइटम गीतमा फिल्मकी मुख्य अभिनेत्री साम्राज्ञी आरएल शाहको मादकता छल्किएको छ । उनी बोल्ड अवतारमा प्रस्तुत छिन् ।
बलिउड निर्देशक रोहित शेट्टी आफ्नो हिट फिल्म ‘सिंघम’को तेस्रो सिरिज निर्माणको तयारीमा छन् । अभिनेता अजय देवगनलाई नै पुनः मुख्य भूमिकामा अनुबन्ध गर्दै उनले ‘सिंघम अगेन’का लागि अभिनेत्री पनि छनोट गरेका छन् । यसपटक ‘सिंघम’ फ्रेन्चाइजमा नायिका दीपिका पादुकोणको इन्ट्री भएको छ । फिल्ममा दीपिका भित्रिएको जानकारी ट्रेड एनालिस्ट तरण आदर्शले दिएका छन् ।
दुई वर्षअघि घोषणा भएको फिल्म ‘चिलगाडी’ कोभिडका कारण निर्माण हुन सकेको थिएन । अब भने फिल्मको छायांकन सुरु गर्ने तयारीमा निर्माता रघुनाथ सापकोटा जुटेका छन् । फिल्मको घोषणा हुँदा निर्देशकमा जनकदीप पराजुली थिए । तर, उनले आफ्नो कार्यव्यस्तताका कारण नभ्याउने भएपछि ‘चिलगाडी’ उडाउने जिम्मा फिल्म ‘मन्त्र’का निर्देशक खिलबहादुर गुरुङले पाएका छन् ।
एकै परिवारबाट आएका दाजु-भाई आयुष्मान देशराज जोशी र आशिरमान देशराज जोशीलाई ‘हिरो मटेरियल’ भनिन्छ । चकलेटी हिरोहरुको भीड दुवै अभिनयमा राम्रो मानिन्छन् भने हिरोको मानकभित्र पनि उनीहरु अट्छन् । तर, दुवैको करिअर सुखद् छैन । डेब्यू फिल्मदेखि नै यी दाजु-भाईले सफलताको सुःख पाउन सकेका छैनन् । यसैले उनीहरुलाई फ्लप हिरोको ट्याग लागेको छ ।
सफल फिल्म ‘इकु’को तेस्रो सिरिज निर्माण हुने भएको छ । यही फिल्ममा निभाएको ‘इकु’ चरित्रबाट चर्चित सुलेमान शंकरले तेस्रो सिरिज बनाउन लागेका हुन् । आगामी चैतबाट छायांकनमा थाल्ने गरी यतिबेला स्क्रिप्ट लेखनको काम भैरहेको उनले जानकारी दिए । अहिलेका सर्वाधिक व्यस्त र महंगा स्क्रिप्ट राइटर प्रदीप भारद्वाजले फिल्मको कथा, पटकथा तथा संवाद लेखिरहेका छन् ।
