Nepal's No.1 Filmy Web Magazine
एक अन्तर्वार्तामा निर्देशक शोभित बस्नेतले भुवन केसीको बारेमा एक वाक्य बोलेका थिए, ‘कन्ट्रोभर्सी विना बाँच्नै नसक्ने ।’ चलचित्र विकास बोर्डको अध्यक्षमा नियुक्त भएदेखि होस् वा त्योभन्दा अगाडि, उनको बारेमा आएका कन्ट्रोभर्सीको चाङ हेर्दा निर्देशक बस्नेतको भनाईमा सत्यता देखिन्छ । बोर्ड अध्यक्ष भएदेखि त हरेक हप्ता वा महिना दिनमा एउटा न एउटा विवाद जन्मिरहेको छ ।
साउथ इन्डियन फिल्मका नामी कलाकार ब्रह्मानन्दमले पहिलो पटक नेपाली फिल्ममा काम गरिरहेका छन् । भारतको हैदराबादमा अवस्थित संसारकै सबैभन्दा ठूलो स्टूडियो मानिने रामोजी फिल्म सिटीमा छायांकन भैरहेको फिल्म ‘ह्रस्व दीर्घ’मा उनले महत्त्वपूर्ण भूमिका निर्वाह गरेका छन् । बुधबार तेस्रो दिनमा छायांकन भइरहेको फिल्मको सेटबाट उनको क्यारेक्टर लुक्स बाहिरिएको छ ।
जुनसुकै विषयमा अनापसनाप बोलेर भाइरल बनिरहेका डिल्लीराम खनालले पूर्व गृहमन्त्री तथा राष्ट्रिय स्वतन्त्र पार्टीका अध्यक्ष रवि लामिछानेसँग अभिनेत्री करिश्मा मानन्धरको नाम जोडेर भ्रमपूर्ण र तथ्यहीन अभिव्यक्ति दिएपछि करिश्माले उनीविरुद्ध साइबर ब्यूरोमा उजुरी दिएकी छन् । मंगलबार साइबर ब्यूरोमा आफूले खनालविरुद्ध उजुरी दिएको उनले फेसबुकमार्फत् जनाएकी छन् ।
फिल्म राम्रो छ भने प्रदर्शनका लागि विदाको खोजी गर्नै पर्दैन । यदि फिल्ममै दर्शक तान्न सक्ने गुण छैन भने दशैंको लामो विदामा रिलिज गरेर पनि केही फाइदा छैन । फिल्म ‘महापुरुष’ले विना विदामा पनि राम्रो कमाई गर्यो । तर, दशैंको विदामा आएर पनि फिल्म ‘बाबरी’ले लगानी उठाउन सकेन । यसैले फिल्म प्रदर्शनका लागि राम्रो मिति होइन, स्तरीय फिल्म बनाउन आवश्यक छ ।
चलचित्र विकास बोर्डले ‘चिल्ड्रेन फिल्म फेस्टिभल २०२३’को आयोजना गर्ने भएको छ । बोर्ड र ब्रिटिश काउन्सिल नेपालको संयुक्त ‘बाल चलचित्र समिति’ले आयोजना गरेको ‘बाल चलचित्र प्रतियोगिता’मा छनोट भएका १० वटा फिल्मलाई फेस्टिभलमा सहभागी गराउन लागिएको हो । ‘ओपन कल’बाट गरी प्राप्त भएका ४० वटा फिल्ममध्ये १० वटा मात्र छनोट गरिएको बोर्डले जनाएको छ ।
सेयर बाँडफाँडको विषयलाई लिएर उत्पन्न नेपाल चलचित्र निर्माता संघ र नेपाल चलचित्र संघबीचको विवाद पेचिलो बन्दै गएको छ । यो समस्या समाधान गर्न दुवै संस्थाले संयुक्त कार्यदल बनाए पनि आइतवार निर्माता संघले सञ्चारमन्त्री रेखा शर्मालाई बुझाएको ज्ञापनपत्रको केही बुँदामा चलचित्र संघले आपत्ति जनाउँदै एक हप्ताभित्र स्पष्ट धारणा नआए कार्यदल भंग गर्ने चेतावनी दिएको छ ।
