Nepal's No.1 Filmy Web Magazine

पूर्वी नेपालका पहाडी जिल्लापछि चलचित्र विकास बोर्डले गण्डकी प्रदेशका गोरखा, लमजुङ, कास्की, पर्वत र बाग्लुङ्ग जिल्लामा घुम्ती सिनेमा तथा सिनेमा साक्षरता अभियान कार्यक्रम सञ्चालन गरेको छ । यही चैत्र १२ देखि २० गतेसम्म हलको सुविधा नभएका ती जिल्लाहरुका विभिन्न विद्यालयको भवन, सामुदायिक भवन, क्लब एवं खुल्ला स्थानहरुमा नेपाली फिल्म प्रदर्शन गरिएको थियो ।

नयाँ वर्षको अवसर पारेर बैशाख १ गतेबाट प्रदर्शन हुन लागेको फिल्म ‘बिहे पास’को शीर्ष गीत सार्वजनिक गरिएको छ । शुक्रबार युट्युब रिलिज गरिएको ‘मायाको बिहे पास’ बोलको रोमान्टिक थिमको गीतमा प्रताप दासको स्वर, विष्णु भण्डारीको शब्द रचना र सरोज पोखरेलको संगीत छ । गीतले फिल्मका मुख्य अभिनेता दयाहाङ राई र अभिनेत्री प्रकृति श्रेष्ठबीचको प्रेमभाव बोलेको छ ।

फिल्मको हकमा प्रदर्शनको ५१औं दिन सफलताको मानक मानिन्छ । रिलबाट फिल्म खिच्ने जमानामा प्रदर्शनको ५१औं र सय दिन सामान्य मानिने गरिएको भए पनि डिजिटल युगसँगै यसको बेग्लै अस्तित्व र महत्त्व छ । स्वदेशी र विदेशी फिल्मको चुनौतीलाई झेल्दै ५१औं दिन मनाउनु आफैंमा महाभारतको युद्ध हो । यो युद्धमा यस वर्ष दुई फिल्म ‘कबड्डी ४’ र ‘महापुरुष’ले सफलता पाए ।

तीजमा फिल्म प्रदर्शन गर्न हरेक वर्ष निर्माताबीच हानाथाप हुने गर्छ । फिल्म निर्माण नहुँदै तीजलाई प्रदर्शन मिति घोषणा गरिन्छ । यसपालि असोज १ गते तीज छ । र, असोज ३ गते संविधान दिवस छ । एउटै विदा नहुँदा त भिड्न नछाड्ने नेपाली निर्माता दुई दिनको विदा अरुलाई टीका लगाएर दिन किन तयार हुन्छन् र ! आगामी तीजमा पनि नेपाली फिल्मबीच ठूलो भिडन्त हुन सक्नेछ ।

यस वर्षको अन्तिम फिल्मको रुपमा ‘बहाव’ आज शुक्रबारबाट प्रदर्शनमा आएको छ । फिल्म ‘प्रसाद २’लाई उच्च अदालत पाटनले निर्माताबीचको आर्थिक लेनदेनका कारण प्रदर्शनमा अंकुश लगाएपछि सोलो रिलिज पाएको फिल्मलाई मल्टीप्लेक्सहरुले औसत शो दिएका छन् भने सिंगल थिएटर दुई दर्जन बढी मिलेको छ । फिल्मलाई हलमा टिकिराख्न बलियो ‘वर्ड अफ माउथ’ चाहिनेछ ।

नयाँ वर्षको अवसर पारेर आगामी बैशाख १ गतेबाट प्रदर्शनमा आउन लागेको उपेन्द्र सुब्बाद्वारा निर्देशित फिल्म ‘जारी’को ट्रेलरले दर्शकमा एकखालको उत्सुकता जगाएको छ । फिल्म दृश्यभाषामा सशक्त हुनसक्ने आँकलन धेरैको छ । बलशाली ट्रेलर, ‘चरी बस्यो’ गीतको लोकप्रियता र बलियो स्टारकास्टका कारण नेपालमा मात्र होइन, विदेशमा समेत फिल्मको पखाई अधैर्य बनेको छ ।