Nepal's No.1 Filmy Web Magazine
दुई महिनादेखि सुस्ताएको नेपाली फिल्मको बजारलाई शक्रबारबाट प्रदर्शनमा आएको फिल्म ‘ह्यारी कि प्यारी’ले लयमा फर्काउने संकेत देखाएको छ । पहिलो दिन दर्शकको अपेक्षाकृत साथ नपाएको फिल्मले शनिबार दिउँसोबाट भने देशभर ६०/७० प्रतिशत आसपास अकुपेन्सी कायम गरेको छ । गत कात्तिकमा रिलिज भएको फिल्म ‘महापुरुष’पछि हलमा यो अवस्था देखिएको थिएन ।
फरक चरित्र छनोट र अभिनयमा फरकपन ल्याउने गरेका अभिनेता विपिन कार्कीले आगामी फागुन ५ गतेबाट प्रदर्शनमा आउन लागेको फिल्म ‘फूलबारी’मा आफ्नो उमेरभन्दा झन्डै दोब्बर बढी पाको उमेरको पुरुषको भूमिका निर्वाह गरेका छन् । यो भूमिका निर्वाह गर्न चुनौती महसूस भएको उनको अनुभव छ । तर, नयाँखालको रोल गर्न आफूलाई सधैं मन लाग्ने गरेको उनी बताउँछन् ।
एक समय ‘छोरी बुहारी’, ‘एक नम्बरको पाखे’, ‘साथी’ जस्ता सफल फिल्म निर्माण गरेका डा. भोला रिजालका छोरा डा. कपिल रिजालले निर्देशनमा डेब्यू गरेको फिल्म हो, ‘ह्यारी कि प्यारी’ । शुक्रबारबाट प्रदर्शनमा आएको फिल्ममा अभिनेता जितु नेपाल र अभिनेत्री साम्राज्ञी आरएल शाह केन्द्रीय भूमिकामा छन् । परिवार नै चिकित्सा पेशामा आबद्ध भएकाले डा. रिजालले आफ्नो डेब्यू फिल्ममा डाक्टर र अस्पताललाई कुनै न कुनै रुपमा जोडेका छन् ।
नेशनल डेल्फिक काउन्सिल नेपाल र अन्तर्राष्ट्रिय नेपाली कलाकार समाज (इनास)को सहकार्यमा नेपाली कला-संस्कृति प्रवर्द्धनको लागि जर्मनीको बर्लिनमा विशेष कार्यक्रम हुने भएको छ । बिहीबार उक्त कार्यक्रमको बिषयमा डेल्फिक नेपालका अध्यक्ष श्रीदेव बिएलले लण्डन र यूरोपमा रहेका नेपाली कलाकर्मीहरुसँग छलफल गरेका छन् ।
यस वर्षको ब्लकबस्टर फिल्म ‘महापुरुष’का अभिनेता अरुण क्षेत्री अभिनीत दोस्रो फिल्म ‘प्रेमा’को फर्स्टलुक पोस्टर सार्वजनिक गरिएको छ । आगामी चैत १७ गतेलाई प्रदर्शन मिति घोषणा गर्दै सार्वजनिक गरिएको फर्स्टलुक पोस्टरमा अभिनेत्रीद्वय शुभेक्क्षा खड्का र सृष्टि श्रेष्ठसँग अरुण रोमान्टिक भावमा देखिएका छन् । पोस्टरले यो फिल्म त्रिकोणात्मक प्रेमकथामा बनेको बुझाउँछ ।
राजु गिरीको निर्देशन रहने फिल्म ‘नम्बरी सुन’को छायांकन सुरु भएको छ । शुक्रबार श्रीकाली चौरस्थित मन्दिरमा पुजाआजा गर्दै एक गीतबाट फिल्मको छायांकन सुरु गरिएको हो । गीत छायांकनका लागि ठूलो खर्चमा सेट तयार पारिएको छ । फिल्मका मुख्य अभिनेता गौरव पहारी र अभिनेत्री नम्रता सापकोटा फिचरिङ हुने गीतको कोरियोग्राफर रामजी लामिछाने हुन् ।
