Nepal's No.1 Filmy Web Magazine
आगामी साउन १९ गतेबाट प्रदर्शनमा आउन लागेको फिल्म ‘अदृश्य’को पहिलो गीत सार्वजनिक गरिएको छ । ‘एकचोटी’ बोलको क्लब गीतमा फिल्मका मुख्य कलाकार प्रमोद अग्रहरी र रिश्ता बस्नेत फिचर्ड छन् । विशाल पौडेलको शब्द रचना र संगीत रहेको गीतमा संगीतकार पौडल र सीमा संग्रौलाको स्वर छ । शिशिर खातीको कोरियोग्राफी रहेको गीतको अडियो र भिडियो औसत छ ।
चर्चित अभिनेता तथा मोडल पल शाह एक घटनाका कारण जेल जीवनमा रहँदा उनको पक्षमा ठूलो जनसमर्थन देखिएको थियो । उनको रिहाइको माग गर्दै सडकमा प्रदर्शनदेखि रक्तदानसम्म आयोजना भए । जब उनी एक वर्ष जेल जीवन विताएर साधारण जीवनमा फर्किए त्यसपछि उनलाई पहिला समर्थन गर्नेहरु अहिले सामाजिक सञ्जालमा तुच्छ शैलीमा गालीगलौज गरिरहेका छन् ।
अभिनेता रमेश उप्रेतीले अमेरिकाबाट फर्किएपछि जम्मा दुईवटा फिल्ममा काम गरेका छन् । उनको कमब्याक फिल्म ‘ब्रासलेट’ थियो । यो व्यावसायिक रुपमा सफल हुन सकेन । त्यसको केही वर्षपछि उनले आफ्नै निर्माणमा फिल्म ‘ऐश्वर्य’ बनाए । यो फिल्म भने औसत चल्यो । तर, यसपछि उनले फिल्ममा काम गरेका छैनन् । ५ वर्षपछि रमेशको कमब्याक फिल्मको टुंगो लागेको छ ।
अभिनेता पल शाहले अदालतबाट सफाई पाइसकेको भए पनि आफूलाई बलात्कारी भन्ने गरेकोप्रति असन्तुष्टि व्यक्त गरेका छन् । जेलमुक्त भएपछि दिएको पहिलो टीभी अन्तर्वार्ता ‘ह्वाट द फ्लप’को श्रृंखला विवादित भएर युट्युबबाट हटाइएपछि उनले मंगलबार साँझ फेसबुकमा स्टाटस लेख्दै ‘निधारमा बलात्कारी हुँ लेखेर देश छाडौँ या रत्नपार्क गएर आत्मदाह गरौँ’ भनेर प्रश्न गरेका छन् ।
आगामी फूलपातीमा प्रदर्शनमा आउन लागेको फिल्म ‘पशुपति प्रसाद २ : भष्मे डन’को अन्तर्राष्ट्रिय रिलिज पनि निश्चित भएको छ । सेभेन सीजले फिल्मको अन्तर्राष्ट्रिय प्रदर्शन अधिकार खरिद गर्दै विदेशमा ३ हजारभन्दा बढी शो गर्ने तयारी भैरहेको जानकारी गराएको छ । सोमबार निर्माण कम्पनी टुकी आर्टस् र सेभेन सीजबीच अन्तर्राष्ट्रिय प्रदर्शनसम्बन्धी सम्झौतामा हस्ताक्षर भएको हो ।
एक्सन तथा लभस्टोरी फिल्म ‘दान्भी’को एक हप्ताअघि गीतबाट छायांकन सुरु भएको थियो । गीतको छायांकन सकिएसँगै निर्माण टिमले केही अचल तस्बिरहरु मिडियालाई उपलब्ध गराएको छ । प्राप्त तस्बिरमा डेब्यू ब्वाई कुन्साङ बोम्जमसँग अभिनेत्री पूजा शर्मा रोमान्टिक अवतारमा देखिएकी छन् । उनीहरुको केमेस्ट्री सुहाएको देखिन्छ । तस्बिरमा पूजा बोल्ड पहिरनमा प्रस्तुत छिन् ।
