Nepal's No.1 Filmy Web Magazine
जब निर्देशक सन्दीप रेड्डी भांगाले आफ्नो सुपरहिट फिल्म ‘अर्जुन रेड्डी’को हिन्दी रिमेक ‘कबीर सिंह’मा अभिनेता शाहिद कपूरलाई काष्ट गर्ने निर्णय गरेका थिए, त्यसबेला उनको कास्टिङलाई लिएर प्रश्न उठेको थियो । तर, शाहिद निर्देशक भांगाको पहिलो रोजाई भने थिएनन् । सुरुमा उनले अभिनेता रणवीर सिंहलाई फिल्म अफर गरेका थिए । तर, उनले डार्क फिल्म भन्दै काम गर्न मानेनन् ।
‘नाङ्गो गाउँ’को सफलतापछि निर्देशक दीपेन्द्र लामाले अभिनेता दयाहाङ राईलाई लिएर फिल्म ‘दुःखी आत्मा’ बनाउने भएका छन् । उनीहरुबीच तेस्रो पटक सहकार्य हुन लागेको हो । यसअघि फिल्म ‘घामपानी’मा पनि उनीहरुको टिमअप भएको थियो । क्लक वर्क क्रियशनको ब्यानरमा हिमाल कडरिया निर्माता रहने फिल्मको यस वर्षको अन्त्यतिरबाट छायांकन सुरु गरिने जनाइएको छ ।
राष्ट्रिय अवार्ड विजेता दिनेश राउत अहिले फिल्म ‘पुजार सार्की’को तयारीमा छन् । आगामी माघबाट पश्चिम नेपालमा छायांकन गर्न लागिएको फिल्मको मुख्य भूमिकामा अभिनेताद्वय आर्यन सिग्देल र प्रदीप खड्काका नाम चर्चामा छ । तर, दुवै निश्चित भैसकेका छैनन् । वास्तविक कथा तथा पात्रबाट प्रभावित भएर बन्न लागेको फिल्मका लागि मुख्य भूमिकामा अभिनेत्रीको खोजी गरिएको छ ।
गत वर्षको मंसिर १२ गते एयर होस्टेस तथा मोडल करिश्मा केसीसँग विवाह गरेका अभिनेता सलोन बस्नेत पिता बन्ने भएका छन् । मंगलबार पहिलो विवाह वर्षगाँठको अवसरमा केक काट्ने क्रममा ‘सलोमा’ जोडीले आमा-बुबा बन्न लागेको जानकारी गराएका हुन् । करिश्माले ‘कमिङ मे २०२४’ लेखिएको केकको भिडियो टिकटकमा साझेदार गर्दै आमा-बुबा बन्न लागेको खुसी साटेकी हुन् ।
घनश्याम लामिछानेको निर्देशनमा बनेको फिल्म ‘चित्रा’को कथासार बुझाउने उद्देश्यसहित ‘क्यारेक्टर’ पोस्टर सार्वजनिक गरिएको छ । मंगलबार सार्वजनिक तीनवटा पोस्टरमा सम्बन्ध र द्वन्द्वको मिश्रण छ । एउटा पोस्टरमा बाबुछोरीको सम्बन्ध दर्शाइएको छ भने दोस्रो पोस्टरमा तीन पुरुष पात्र ‘इन्टेन्स लुक’मा प्रस्तुत छन् । तेस्रो पोस्टरले तीन महिला पात्रको मनोदशा र परिस्थिति बोलेको छ ।
फिल्म ‘प्रेमगीत ३’ हिन्दीमा स्वरांकन भएर भारतमा समेत प्रदर्शन भएपछि अभिनेता प्रदीप खड्का लागि बलिउड प्रवेशको ढोका खुलेको थियो । अब उनले हिन्दी भाषामा बन्न लागेको फिल्म ‘ऐरी’मा मुख्य भूमिकामा अभिनय गर्ने भएका छन् । मंगलबार मोसन पोस्टर र टिजरमार्फत् यो फिल्मको घोषणा गरिएको हो । टिजरमा प्रदीपलाई ऐरी अर्थात् सिकारी अवतारमा प्रस्तुत गरिएको छ ।
