Nepal's No.1 Filmy Web Magazine

अभिनेता भुवन केसी चलचित्र विकास बोर्डको अध्यक्ष हुँदा फिल्मकर्मीहरुले ठूलो अपेक्षा राखेका थिए । नजिकबाट फिल्म क्षेत्रको समस्या बुझेका उनले सम्झनलायक काम गर्ने विश्वास धेरैमा थियो । तर, उनको कार्यकाल विवादले बढी सम्झिने बनेको छ । उनी बोर्डको अध्यक्षमा नियुक्त भएदेखि सुरु भएको विवादको श्रृंखला उनको कार्यकाल अन्तिम घडीमा आइपुग्दा पनि यथावत् नै छ । 

म्यूजिक भिडियोबाट उदाएका अभिनेता पल शाहको युवापुस्तामा जबर्जस्त क्रेज छ । उनी छायांकन हुँदा होस् वा महोत्सवमा पुग्दा देखिने क्रेज लोभलाग्दो हुन्छ । उनका फिल्म रिलिज हुँदा हलमा पनि दर्शकहरुको राम्रै चहलपहल देखिन्छ । यतिबेला प्रदर्शनरत फिल्म ‘पूजार सार्की’बाट पनि उनले आफ्नो स्टारडम देखाएका छन् । उनलाई हेर्नकै लागि ठूलो मात्रामा दर्शक हल पुगेका छन् ।

लक्ष्मण सुवेदीको निर्देशनमा तयार भएको फिल्म ‘सतीदेवी’को दोस्रो चरणको पोस्टर सार्वजनिक गरिएको छ । पोस्टरमा अभिनेत्री मलिका महत बच्चालाई स्तनपान गराइरहेको अवस्थामा चित्रित छन् । उनी गम्भीर भावमा देखिएकी छन् । उनको छेवैमा दुई बाल कलाकार हर्षिका वली र मन्जिला बाँनियाँ रोइरहेको अवस्थामा प्रस्तुत छन् । पात्रहरुको मनोदशा दर्शाउने यो पोस्टर अर्थपूर्ण छ ।

अहिलेका सर्वाधिक सफल अभिनेता दयाहाङ राईले करिअरमा ५० भन्दा बढी फिल्ममा अभिनय गरिसकेका छन् । र, अन्तर्राष्ट्रिय फेस्टिभलमा उनकै फिल्म बढी पुगेका छन् । ‘सेतो सूर्य’, ‘कबड्डी’, ‘लुट’, ‘जारी’ जस्ता यादगार फिल्ममा काम गरेका उनी यतिबेला कुनै फिल्मलाई लिएर उत्साहित छन् भने त्यो ‘गाउँ आएको बाटो’ हो । यसलाई उनी आफ्नो करिअरको उत्कृष्ट फिल्म मान्दछन् ।

बुद्ध जयन्तीको विदा पारेर बिहीबार (जेठ १० गते)देखि प्रदर्शनमा आएका चार स्टारहरुको फिल्म ‘पूजार सार्की’ र ‘फर्की फर्की’ले घरेलु बक्स अफिसमा ‘इनिसियल’ व्यापार आक्रामक गरे । प्रदर्शनको पहिलो दिन (बिहीबार) र तेस्रो दिन (शनिबार) देशभरका हलहरुमा महोत्सवझैँ देखिएको थियो । यी दुई फिल्मप्रति देखिएको दर्शकहरुको क्रेजले फिल्म क्षेत्रमै खुसीको बहार ल्याएको छ ।